OJT Students

Estudante DIT Estájiu kona-ba Servisu Soil Boring Test, Pojetu DED Ponte

Lelo Consultant – Servisu Soil Boring Test ne’ebé kompañia halao ba Ponte lima iha Munisípiu 5 mak hanesan; Liquiça, Ermera, Aileu, Same no Suai termina ona. Servisu refere halao durante fulan ida nia laran hahu husi loron 24/08/2020 no termina iha loron 25/09/2020. Servisu refere realiza liu husi projetu DED ba ponte 5 husi Governu, haré.. Servisu Soil Boring Test Projetu DED Pakote II-2019.

Iha okaziaun ne’e, kompañia simu-mós pedidu estájiu husi estudante DIT – Dili Institute of Technology nain 2 husi Departamentu Engenharia Civil ne’ebé hakarak aprende kona-ba lalaok halao servisu soil boring test iha terenu hamutuk ho ekipa tékniku servisu kompañia nian, nune’e kompañia koloka sira ho ekipa servisu hodi mobiliza ba terenu tuir orariu servisu ne’ebé iha. Servisu refere hetan asistênsia supervisaun direita husi tékniku Boring test (Master-bore) husi Indonésia – PT Tribina Wahana Cipta hamutuk nain 3 inklui mos tékniku husi kompañia nian, antes prosesu servisu soil boring test no kolekta amostra hahu, estudante no tékniku lokal sira simu instrusaun no motivasaun husi ekipa supervisaun kona-ba oinsa lalaok uja ekipamentu, manutensaun no analizasaun ba resultadu amostra sira ne’ebé maka kolekta, ida ne’e nudar mekanismu planu kompañia nian atu supervisor sira fahe ka transforma abilidade sira nian ba estudante no ekipa tékniku lokal sira hodi prepara sira nia-an ba servisu sira ne’ebé hanesan iha futuru.

Durante prosesu servisu iha terenu, ekipa hetan suporta husi autoridade lokal no komunidade sira hodi asegura servisu ekipa nian atu termina servisu ho efetivu tuir planu ne’ebé iha, ekipa-mós hetan visita husi Obras Públiku Munisípiu no ekipa tékniku husi DNEPCC Dili ne’ebé maka nudar na’in ba projetu refere, visita sira ne’e hanesan servisu monitorizasaun hodi verifika no garantia katak atividade sira ne’ebé iha tuir duni orariu no requisitos ne’ebé iha.

Depois termina servisu iha terenu ekipa servisu mobiliza kedan amostra sira ne’ebé kolekta tiha ona mai iha Dili hodi submete ba prosesu teste iha laboratoriu Nacional, teste sira ne’ebé konduta maka hanesan; Gravity Specification Test, Density Test, Moisture Content Test, Atterberg Limit Test, Grain Size Analysis test, Hydrometer Test, Triaxial Compression Unconsolidated Undrained Test no Consolidation Test.

Objetivu husi teste sira ne’e atu identifika lolós detailu konaba lalaok strutura kondisaun rai nian iha fatin ne’ebé atu halao konstrusaun ba, nomós nudar referênsia ba parte tékniku sira hodi bele halo dezeinu ba estrutura konstrusaun ne’ebé standarte tuir kondisaun rai ne’ebé identifika ona. [kontinua..]

Fotografia atividade

Posted in Architectural, Construction, Consultant, Soil Boring Test.